0

የከርሰ ምድር እምቅ ኃይል ምንድን ነዉ?

ሳይንስ/ቴክኒክ

የከርሰ ምድር እምቅ ኃይል ምንድን ነዉ?

ባለፈዉ ሰሞን የኢትዮጵያ ኤሌትሪክ ኃይል ኮርፕሬሽን ከአንድ የዉጭ ኩባንያ ጋር ከከርሰ ምድር እንፋሎት ኃይል ለማመንጨት እና ከእንፋሎት የሚገኝን የኤሌትሪክ ኃይል ጥቅም ላይ ለማዋል ተስማምቷል። የመሬት ዉስጥ የእንፋሎት ኃይል ምንጭ ምንድን ነዉ?

በዕለቱ ጥንቅራችን ከከርሰ ምድር ስለሚወጣዉ የእንፋሎት ኃይልና ኢትዮጵያ ስላላት የእንፋሎት ኃይል ክምችት ይቃኛል። ኢትዮጵያ ከሬይክያቪክ ጂዖ-ተርማል ኩባንያ ጋር የተፈራረመችዉ ዉል የመጀመርያ የግል ኤሌትሪክ አመንጭ ኩባንያ መሆኑ ተነግሮአል። በኢትዮጵያ ኮርቬቲ የእንፋሎት ማመንጫ ፕሮጄ በስምንት ዓመት ዉስጥ 1000 ሜጋ ዋት የኤሌትሪክ ኃይል እንደሚያመነጭ ባለሞያዎቹ ከወዲሁ ተናግረዋል። ጂኦተርማል ምንድነዉ? ከከርሰ ምድር ይገኛል የሚባለዉ እምቅ የእንፋሎት ኃይልስ በምን ምክንያት ይፈጠራል? በኢትዮጵያ የጂኦሎጂካል ሰርቬይ የጆኦተርማል ጥናት ዳሪክቶሬት ዳይሬክተር አቶ ሰለሞን ከበደ የኢትዮጵያ የከርሰ ምድር የእንፋሎት ኃይል ከዚህ ቀደም እንደተጠቀሰዉ መጠን ሳይሆን፤ በቅርቡ ይፋ በወጣ መረጃ መሠረት እጅግ ብዙ የኃይል ክምችት እንዳላት ያስረዳሉ። ከከርሰ ምድር እንፋሎት ኃይል ለማመንፀት ከሪኪያቪክ ጋር ስምምነት ሲደረግ ተሳታፊ የነበሩት በኢትዮጵያ የዉሃና የኢነርጂ ሚ/ር የኃይል ጥናት፣ ልማትና ክትትል ዳይሬክተር እንዲሁም በኢትዮጵያ የኤሌትሪክ ኮርፖሬሽን የቦርድ አባል፤ አቶ ጎሳዬ መንግሥቴ ፤ ከዚህ ቀደም በኢትዮጵያ የከርሰ ምድር የእንፋሎት ኃይል እጅግ በጥቂቱ ጥቅም ላይ ዉሎአል፤

የዓለም የጆኦተርማል ጥናት እንደሚያመለክተዉ ይላሉ፤ በጂኦተርማል ጥናት የከፍተኛ ትምህታቸዉን ያጠናቀቁት አቶ ሰለሞን ከበደ ሆነ፤ በኢትዮጵያ የዉሃና የኢነርጂ ሚ/ር የኃይል ጥናት፣ ልማትና ክትትል ዳይሬክተር እንዲሁም በኢትዮጵያ የኤሌትሪክ ኮርፖሬሽን የቦርድ አባል፤ አቶ ጎሳዬ መንግሥቴ፣ በዓለማችን ዙርያ ከፍተኛዉን የከርሰ ምድር እንፋሎት ተጠቃሚ ሀገር ዩናይትድ ስቴትስ ፤ ስትሆን በመቀጠል ኤንዶኜዥያ፤ አይስላንድ፤ ቱርክ፤ ኤልሳልቫዶር፤ ኢጣልያ ፤ እንዲሁም ኬንያ እያለ በቅድም ተከተል ይቀጥላል። ኬንያ ግን በአፍሪቃችን ቀደምትዋ የከርሰ ምድር ሙቀት ኃይል ተጠቃሚ ሀገር ናት። በከርሰ ምድር ሙቀት ኃይል አጠቃቀም ላይ ለቃለ ምልልስ የተባበሩንን እያመሰገንን ሙሉዉን ጥንቅር የድምጽ ማድመጫዉን በመጫን እንዲያደምጡ እንጋብዛለን! http://www.dw.de/

አዜብ ታደሰ

ሸዋዪ ለገሰ

Filed in: Amharic News, News

Recent Posts

Leave a Reply

You must be Logged in to post comment.

© 2017 Moresh Information Center. All rights reserved.