0

የዐማራ ኅልውና ለኢትዮጵያ አንድነት ድርጅት በጎንደር ከተማ ሕዝባዊ ስብሰባ አካሄደ !

 

መስከረም 27 ቀን 2011 ዓም የዐኅኢአድ በጎንደር ከተማ ሲኒማ አዳራሽ በርካታ ሕዝብ በተገኘበት የድርጅቱን ዓላማና የወደፊት የጉዞ አቅጣጫውን ያመላከተ ውይይት ከሕዝቡ ጋር አድርጏል::

በዚህ ስብሰባ  የድርጅቱ አመራር አባል የሆኑትብ አቶ ተስፋዬ  መኮንን ስለድርጅት ምንነትና ዐማራው የተጋረጠበትን የኅልውና አደጋ ተቋቁሞ  የኢትዮጵያን  አንድነት የማስጠበቅ ታሪካዊ ኃላፊነቱን ለመወጣት  ከመደራጀት ሌላ የተሻለ አማራጭ እንደሌለ  በስፋት አብራርተዋል:: 

አቶ ተክሌ የሻው በበኩላቸው የዐማራ ኅልውና ለኢትዮጵያ አንድነት ድርጅት አመሠራረት: ዓላማ : ተልዕኮ እና ግቦች ምን እንደሆኑ በማስረዳት ዐማራ የሆነ ሁሉ ኅልውናውን ታድጎ የኢትዮጵያን  አንድነት ለማረጋገጥ ባመነበት የዐማራ ድርጅቶች ዙሪያ መሰባሰብ እንዳለበት አሳስበዋል::

ከትምህርታዊ ገለጣውና ማብራሪያው  በሁዋላ ከተሰብሳቢው ለተነሱ  ጥያቄዎችና  አስተያየቶች  መልስና ማብራሪያ  ተሰጥቷል:: በተሰብሳቢው ተደጋግመው የቀረቡት ጥያቄዎች በዐማራ ስም የተደራጁ ድርጅቶች  ሆደ ሠፊና አስተዋይ  ሆነው የዐማራውን ሁለንተናዊ ሀብት ወጥ በሆነ መንገድ በመጠቀም የተጋረጠበትን የኅልውና አደጋ ለመቋቋም  ወደ አንድነት መምጣት እንዳለባቸው የሚያሳስቡ ናቸው:: 

ለእነዚህና መሰል ጥያቄዎች የድርጅቱ አመራሮች መልስና ማብራሪያ ሰጥተው ስብሰባው በደመቀ ሁኔታ ከመጠናቀቁም በላይ በርካታ ሰዎች ድርጅቱን በመቀላቀል የበኩላቸውን ኃላፊነት ለመወጣት ዝግጁነታቸውን አረጋግጠዋል:: ቀጣዩ ሕዝባዊ ስብሰባ ጥቅምት 4 ቀን 2011 ከደብረታቦር ከተማ ሕዝብ ጋር መሆኑ ተነግሮ የስብሰባ ፍጻሜ ሆኗል::

Filed in: Amharic News, News, Politics & Economics Tags: ,

Related Posts

Leave a Reply

You must be Logged in to post comment.

© 2018 Moresh Information Center. All rights reserved.