0

ሎሬት ጸጋዬ ገብረመድህን ቀዌሳ፤ የ1950 ዓ.ም የትግራይ ረሃብ፤ የመቀሌ ቆይታውና ትዝታው፣ በዶክተር አሰፋ ነጋሽ – (

ሎሬት ጸጋዬ ገብረመድህን ቀዌሳ፤ የ1950 ዓ.ም የትግራይ ረሃብ፤ የመቀሌ ቆይታውና ትዝታው
በዶክተር አሰፋ ነጋሽ – (በሆላንድ ነዋሪ የሆነ ኢትዮጵያዊ ስደተኛ) – 8th of September 2016
Email Address——————– Debesso@gmail.com
በትያትር ድርሰት ጽሁፎቹ ፤ በትርጉምና የግጥም ስራዎቹ ታዋቂነትን ያተረፈው ሎሬት ጸጋዬ ገብረመድህን ቀዌሳ (ነፍሱን ይማርና) በ1987 ዓ.ም እዚህ በስደተኛነት ነዋሪ የሆንኩበት ሆላንድ ሀገር መጥቶ በርካታ ኢትዮጵያውያን በተገኙበት ህዝባዊ ስብሰባ ላይ ንግግር አድርጎልን ነበር። እንደሚታወቀው ጋሽ ጸጋዬ የወያኔ መንግስት ስልጣን ላይ እንደወጣ የደረሰው ወይም የጻፈው አንድ “ሀሁ ፐፑ” የተሰኘ የትያትር ስራው ለህዝብ እንዳይታይ ታግዶበት ነበር። አዋሳን በመሰሉ የኢትዮጵያ ከተሞች ደግሞ ተዋንያን መድረክ ላይ ሆነው ትያትሩን ሲተውኑ በወያኔ ወታደሮች በዱላ እየተደበደቡ ተውኔቱ እንዲቋረጥ ተደርጓል። ሌላው ቀርቶ በቀዳማዊ ኃይለ ስላሴ ዘመነ መንግስት ለታላቁ ጸረ-ፋሽስት፤ የኢትዮጵያ ሰማእትና አርበኛ ለአቡነ ጴጥሮስ ማስታወሻ የደረሰውን “ጴጥሮስ ያቺን ሰዓት” የተባለውን ትያትር ለህዝብ እንዳይታይ የወያኔ ትግሬዎች መንግስት ማገዱ ይታወቃል። “ጴጥሮስ ያቺን ሰዓት” የተሰኘው ትያትር በዐጼ ኃይለስላሴም ሆነ በደርግ ዘመን ካለአንዳች እገዳ ለህዝብ ይታይ የነበረ ትያትር ነው። በወያኔ ዘመን ግን ይህ ተወኔት እንዳይታይ እገዳ ተጣለበት። ይህ የትግራይና የኢጣሊያን ፋሽስቶች ርዕዮተዓለማዊ አንድነትና ጸረ-ኢትይጵያ የድርጊት መመሳሰል የሚያስረዳ ይመስለኛል። በእዚህ ምክንያት ገና ወያኔ ስልጣን ላይ እንደ ወጣ ጋሽ ጸጋዬን የመሰሉ ሰፋ ያለ ሀገራዊ አመለካከት ያላቸው የጥበብ ሰዎች የወያኔ ትግሬዎች መንግስት የጥቃት ሰለባ ሊሆኑ ችለዋል። ለነገሩ እንደ ወያኔ ያለ የፋሽስት ስርዓት በነጻነት እያሰቡ የጥበብ ስራዎቻቸውን የሚያዘጋጁ ሰዎችን አይታገስም።ታዲያ ጋሽ ጸጋዬ ስለ ወያኔዎች ጉዳይ አንስቶ እዚህ አምስተርዳም ከተማ ለተሰበሰብነው ኢትዮጵያውያን ሲናገር የሚከተለውን የ1950 ዓመተ ምህረቱን የትግራይ ገጠመኙን አጫወተን።
ሎሬት ጸጋዬ ገብረመድህን፤ የ1950 ዓ.ም የትግራይ ረሃብና የመቀሌ ቆይታው
ጊዜው 1950 ዓ. ም በክረምቱ ወራት ላይ ነው። ጋሽ ጸጋዬ አዲስ አበባ ከሚኘው ለወትሮው የንግድ ስራ ትምህርት ቤት (Commerical School) ተብሎ ከሚታወቀው ሰንጋ ተራ አካባቢ ካለው ትምህርት ቤት የሁለተኛ ደረጃ ትምህርቱን ያጠናቀቀበት ጊዜ ነው። ታዲያ ጋሽ ጸጋዬ ገና ከወጣትነቱ ጀምሮ የነበረው የጽነ ጽሁፍ ዝንባሌው ጠንካራ ነበር። በዚህም ምክንያት አንድ መጽሃፍ ለማሳተም ይፈልግ ነበር። በዚያን ጊዜ ግን በተማሪ አቅም መጽሃፍ ማሳተም የማይሞከር ነገር ነበር። ግን ይህንን መጽሃፍ የማሳተም ፍላጎቱን ለሚቀርቡት ጓደኞቹ ከማካፈል አልቦዘነም ነበር። ታዲይ በኮሜርስ ትምህርት ቤት አብረውት ከሚማሩት የቅርብ ጓደኞቹ አንዱ ስብሃት የሚባል የአስመራ ልጅ አንተ ይህን ያህል ጠንካራ የሆነ መጽሃፍ የማሳተም ፍላጎት እያለህ አዲስ አበባ ላይ ባለው ውድ መጽሃፍ የማሳተሚያ ዋጋ ተስፋ እየቆረጥክ ከምትቀመጥ ለምን አስመራ መጥተህ እዚያ ለማሳተም አትሞክርም?። አስመራ ላይ እኮ የመጽሃፍ ማሳተሚያው ዋጋ እዚህ አዲስ አበባ ካለው በእጅጉ ያነሰ ነው እያለ በተደጋጋሚ ምክሩን ያቀርብለት ነበር። ታዲያ ጋሽ ጸጋዬም የንግድ ትምህርት ቤት ትምህርቱን እንደ ጨረሰ “እኔ እዚህ መሃል ሀገር ሸዋ ተወልጄ ከዚሁ ሳልወጣ ቆይቼአለሁኝ፤ እስቲ ወደ ሰሜን ያለውን ሀገሬንም ሄጄ ልየው በዚያውም መጽሃፍ አስመራ የማሳተሙ ነገር እንዴት እንደሆነም ለማወቅ ያስችለኛል ብዬ ወደ አስመራ ለመሄድ ወሰንኩኝ” ብሎ ነገረን። በዚያ ጊዜ ከአዲስ አበባ ተነስቶ አስመራ ለመድረስ ሶስት ቀናት ይወስድ ነበር። ታዲያ ወደ አስመራ በሚያደርገው ጉዞ እግረመንገዱን መቀሌ ላይ ማደር ግድ ይል ነበር። ስለዚህ አንድ ምሽት መቀሌ ላይ አድሮ ጠዋት ወደ አስመራ የሚያደርገውን የመጨረሻውን ጉዞ ከመጀመሩ በፊት ያ እሱና ሌሎች ተጓዦች ያደሩበት ሆቴል ቁርስ ብሉ ብሎ ሻይ በዳቦ አቀረበላቸው። ጋሽ ጸጋዬም እንደ ነገረን ያንን የተሰጠውን ትኩስ ሻይና ዳቦ ይዞ እያለ ትንሽ ራቅ ብሎ የሰው ግርግር ይመለከታል። ያንን ዳቦና ሻይ እንደ ያዘ የሰዉ ግርግር ወደሚታይበት አቅጣጫ ፊቱን አዙሮ መራመድ እንደ ጀመረ “ተመለስ ተመለስ” የሚል ድምጽ ክኋላው ሰማ። ጋሽ ጸጋዬ የሚሰማውን ድምጽ ከምንም ሳይቆጥር እንዲያውም በተጨማሪ ፍጥነትና ጉጉት ይህንን የግርግሩን መንስዔ ለማወቅ ተጣድፎ ወደ ግርግሩ ቦታ……..read in pdf ሎሬት-ጸጋዬ-ገብረመድህንና-የትግራይ-ረሃብና-የመቀሌ-የቆይታ-ትዝታው-1950-ዓ.ም-5-2.pdf

Filed in: Amharic News, eMedia, Health & Enviroment, Politics & Openion

Recent Posts

Leave a Reply

You must be Logged in to post comment.

© 2017 Moresh Information Center. All rights reserved.